Promovendo o uso da bicicleta na Coruña

Este sábado 27 de marzo dende a Asociación Mobi-liza, en colaboración co Concello da Coruña, estivemos informando sobre a iniciativa #30DíasEnBici. Para tal fin, desenvolvemos un punto informativo na rúa San Andrés, aproveitando a súa peonalización durante as fins de semana.

Así, logramos que un maior número de persoas na cidade coñezan o reto dos 30 dias en bici, conseguindo mesmo que algunhas das persoas que se achegaron asinasen o seu compromiso a empregar a bicicleta durante todo o mes de abril. Neste senso, é de destacar a boa receptividade das persoas que se achegaron ao posto informativo.

Ademais, algunhas das persoas animáronse a pintar a calzada con xiz, reivindicando que as rúas son para as persoas, e non para os coches.

Deja una respuesta

Tu dirección de correo electrónico no será publicada.