Esta Ruta pola lliteratura n’Asturianu ñaz col enfotu de dar a conocer, y esparder más, la figura de delles de les persones que tuvieron venceyaes a la LLingua Asturiana d’alguna manera y que tán ente los nomes de les cais xixoneses, faciendo, al empar, una alcordanza de la so xera. Collabora cola idea, la esbilla y l’acuriosamientu los testos, Dani García de la Cuesta, musicólogu, defensor de la llingua asturiana y amigu de 30 Dies en Bici.

Esta actividá inscríbese nos “Jueves en bici” de 30DEB Xixón.

El paseín pola ciudá y la lliteratura n’asturianu

Pa ello, recorremos unos 7,5 kilómetros, un paseín tranquilu, faciendo unes paradines naquelles cais y llugares dedicaos a cada autor/a, onde se fairán unes llectures curties de dalgunos testos col envís de qu’a ca participante-y pruya la curiosidá y les complete más llueu, al so gustu y tiempu. Nestos díes daremos más info y dalgunos enllaces pa conocer sobre la biografía de los autores y poder consultalos nes paraes que se faigan, o en cualquier otru momentu, y que la ruta seya lo más áxil posible. Asina, la xente que nun puede dir a facer la ruta esi día, puede probar a facela cuándo-y pete y tener información.

Los autores que dan sentíu a esti percorríu son:

Pachín de Melás. Emilio Robles Muñíz, Xosé Caveda y Nava, L’Argandona. Xosefa Xovellanos, Parque Mánfer de la LLera, Manuel d’Andrés Fernández, Pín de Pría, Xosé García Peláez, Fermín Canella Secades, Teodoro Cuesta. Teodoro Cuesta García-Ruíz, Xardines de Federico González- Fierro Botas, Melchor Gaspar de Xovellanos.